હજી તો માંડ લખતા શીખ્યાં ને લૉકડાઉનમાં આ બંને ટેણીયાઓએ લખી નાખી રામાયણ

કોરોના વાયરસને કારણે જ્યારે દેશભરમાં લોકડાઉન લગાવવામાં આવ્યું હતું, ત્યારે તમામ લોકોને તેમના ઘરોમાં બંધ રહેવાની ફરજ પડી હતી. આ સમય દરમિયાન, લોકોએ દૂરદર્શન પર રામાયણનું પ્રસારણ ખૂબ જોયું. પરંતુ શું તમે જાણો છો કે આ લોકડાઉન દરમિયાન, બે નાના ભાઈ-બહેનોની જોડીએ 2100 પાનાની સંપૂર્ણ રામાયણ લખી નાંખી.

હા, આ વાત સાચી છે. રાજસ્થાનના જાલોરમાં ત્રીજા અને ચોથા વર્ગમાં ભણતા માધવ જોશી અને તેમની બહેન અર્ચનાએ લોકડાઉન દરમિયાન 2100 પાનાથી વધુની આખી રામાયણ લખી છે.

ભાઈ-બહેન માધવ અને અર્ચનાએ કોરોનાના સમયગાળામાં આખું રામાયણ જાતે પેન અને પેન્સિલથી લખ્યું છે. આ માટે તેમણે 20 નોટબુકનો ઉપયોગ કર્યો, ત્યારબાદ 2100 પાનાથી વધુની રામાયણ તૈયાર થઈ ગઈ.

બંને બાળકોએ આને સાત ભાગમાં પૂર્ણ કર્યું છે. જણાવી દઈએકે શ્રી રામચરિતમાનસ સાત કાંડમાં છે. માધવ અને અર્ચનાએ પેન-પેન્સિલથી તેમની નોટબુકમાં સાત કાંડ લખ્યા છે. આ સાત કાંડો બાલકાંડ, અયોધ્યાકાંડ, અરણ્યકાંડ, કિષ્કિંધાકાંડ, સુંદરકાંડ, લંકાકાંડ અને ઉત્તર રામાયણ છે.

પહેલા પરિવારની સાથે અને પછી બંને ભાઇ-બહેનોએ શ્રી રામચરિતમાનસને ત્રણ વખત વાંચી. આ સમય દરમિયાન પિતા સંદીપ જોશીના પ્રોત્સાહનથી તેમનામાં રામાયણ લખવાની ઇચ્છા જાગી હતી.

તેમાંથી માધવે બાલકંદ, અયોધ્યાકાંડ, અરણ્યકાંડ અને ઉત્તરકાંડને 14 નોટબુકમાં લખ્યા છે. તો, નાની બહેન અર્ચનાએ 6 નોટબુકોમાં કિષ્કિંધાકાંડ, સુંદરકાંડ અને લંકાકાંડને લખી છે. માધવ જોશીએ કહ્યું કે, કોરોનામાં દૂરદર્શન પર રામાયણનું પ્રસારણ જોયા પછી રામાયણ વાંચવાની ઇચ્છા થઈ.

આ બંને બાળકો જલોરની આદર્શ વિદ્યા મંદિર સ્કૂલમાં અભ્યાસ કરે છે. અર્ચના ત્રીજા ધોરણમાં ભણે છે, જ્યારે માધવ ચોથા ધોરણનો વિદ્યાર્થી છે. તેઓને રામાયણ વિશે સંપૂર્ણ જાણકારી મળી ગઈ છે. બંને બાળકોને એ પણ યાદ થઈ ગયુ છે કે રામચરિતમાનસમાં દોહા, છંદ, ચોપાઈઓ કેટલાં છે.

Leave a Reply

You cannot copy content of this page